Dubaydan Təl-Əvivə uçuş zamanı digər pilotu bıçaqlayan və "təyyarəni qəza uğratmağa çalışan" pilot həbs olunub. Bu barədə İsrailin Baş naziri Benyamin Netanyahü məlumat verib. Sərnişinlər və ekipaj üzvləri hücumçunu zərərsizləşdirərək "Flydubai" aviaşirkətinin təyyarəsinə nəzarəti bərpa ediblər və onu Səudiyyə Ərəbistanının şimal-qərbindəki Təbuk aeroportuna təhlükəsiz şəkildə endiriblər...
BBC World · 2026-10-01
Dubaydan Təl-Əvivə uçuş zamanı digər pilotu bıçaqlayan və "təyyarəni qəza uğratmağa çalışan" pilot həbs olunub. Bu barədə İsrailin Baş naziri Benyamin Netanyahü məlumat verib.
Sərnişinlər və ekipaj üzvləri hücumçunu zərərsizləşdirərək "Flydubai" aviaşirkətinin təyyarəsinə nəzarəti bərpa ediblər və göyərtəsində 170-dən çox insanın olduğu təyyarəni Səudiyyə Ərəbistanının şimal-qərbindəki Təbuk aeroportuna təhlükəsiz şəkildə endiriblər.
Demək olar ki, hamısı israillilərdən ibarət olan sərnişinlər çərşənbə günü gec saatlarda xüsusi reyslə Təl-Əvivə gəliblər. Bıçaqlanan və Hindistan vətəndaşı olduğu açıqlanan kapitan Smit Maçxar xəstəxanaya yerləşdirilib, onun vəziyyətinin stabil olduğu bildirilir. Netanyahü onu "fövqəladə cəsarət" nümayiş etdirən "əsl qəhrəman" adlandırıb. Netanyahü "X" sosial şəbəkəsində yazıb: "Bıçaqlanmasına və ağır yaralanmasına baxmayaraq, o, mübarizə aparıb, müqavimət…